Нова Година се приближува и сите планираат каде и со кого да  ја пречекаат 2016-та. Гласно, релаксирачки, семејно или мирно - како и да изберете да ја поминете, најважно е да сте со најблиските, од кои зависи вашето расположение. Но освен луѓето, за целокупното искуство се важни и локации и храната. Има толку многу фантастични места во светот за посета за овој ден.

Ние ви претставуваме некои од нив:

Саут Лејк, Калифорнија

Ако сте љубители на снегот и скијањето, тогаш ова е вашето место. Може да го видите еден од најдобрите музички уметници и да уживате во уникатно DJ шоу во пресрет на Нова Година. Задолжително треба да пробате локална темпура, помфрит и двојни хамбургери. Во Саут Лејк може да ги јадете едни од најпознатите вкусни хамбургери во светот.

Единбург, Шкотска

Тука се слави „Хоганау”, што значи празник на последниот ден во годината. Ќе видите презентација на различни видови на уметност на улиците, нуркање во ледени води, трка за уметничка санка и др. Локалната кујна е од типот селска а тоа што ја издвојува е дека не се користат зачини. Задолжително пробајте пудинг со пржено месо, компири и ротквица.

Сиднеј, Австралија

Може да ги посетите локалните новогодишните церемонии за непушачи, непијачи и др., Кои се исклучително интересни за надворешни посети. Во новогодишната ноќ се прави спектакуларен огномет и парада на блескави чамци. Кујната во Австралија е разнообразнa, но задолжително треба да пробате јагнешко печење со ореви од макадамија.

Лондон, Англија

Над 250 000 посетители доаѓаат на бреговите на реката Темза и чекаат Биг Бен да чукне на полноќ, кога може да се види највпечатливото светлосно шоу во Европа. Пробајте ги локалните стекови и традиционалната англиска пита.

Виена, Австрија

Оние кои сакаат помирен одмор, треба да ја посетат Виена. Градот со најубава декорација, со уличните класични концерти и шампањ, што се нудат до први јануари на ручек. Се разбира, кога ќе ја посетите Виена, не може а да не пробате виенска Шницла и традиционални виенски слатки.

Хаваи

Ако сакате влажна и топла прослава, посетете ги Хаваите. Цела вечер се танцува на плажа, се организираат тематски натпревари, а ако сте на романтично новогодишно патување, поканете го партнерот на пловењето и гледајте огномет точно во 24:00 часот. Тука се формира популарната "фјужн" кујна. Пробајте пржена риба, се служи со сладок леб, ориз и трска.