Францускиот претседател Емануел Макрон ги налути своите германски колеги за изјавата во која тој предупреди на кукавичлук на Европа додека трае војната во Украина. За време на посетата на Чешка, Макрон зборуваше за безбедносната ситуација во Европа и упати голем број критики за однесувањето на лидерите на одредени земји.

- Сигурно се приближуваме до моментот за Европа во кој ќе биде неопходно да не се кукавици. Европа е преполовена, мораме правилно да кажеме, од кукавичлук и волјата на еден дел од Европа да не ги види тешкотиите на друго, па ја препушти судбината на Европа на тоталитаризмот - рече францускиот претседател по повод денешната посета на Чешка.

Изјавата на Макрон најмногу им пречеше на германските власти, а прв реагираше германскиот министер за одбрана Борис Писториус кој рече дека изјавите на Макрон се контрапродуктивни.

- Од моја гледна точка, не треба да разговараме за испраќање копнени сили или поголема или помала храброст. Треба да се фокусираме на најголемите проблеми - ефикасно и брзо зголемување на индустриското производство, на пример, муниција за артилерија и системи за противвоздушна одбрана - посочи германскиот министер.

Контроверзноста предложена од Макрон не помага да се решат проблемите со кои се соочува Западот со поддршка на Украина, рече Писториус.