Вооружен маж со нож на возраст од околу 25 години е уапсен синоќа пред Бакингемската палата во Лондон. 

Тој се нафрлил на полицајците при што двајца од нив добиле полесни повреди, пишува The Guardian.

Инцидентот се случил откако мажот пристигнал со автомобил на семафор и застанал до полициски автомобил. Полицајците забележале дека во возилото има голем нож.

Кога полицајците се обиделе да ги задржат мажот и да добијат повеќе информации дошло до судир во кој тие се здобиле со „полесни повреди” по рацете. Осомничениот е уапсен под обвнинетие за нанесување на тешка телесна повреда и напад врз припадниците на органите на редот.

#buckinghampalace excellent job once again from police. Very quick on the case pic.twitter.com/lTQ6SJy8Cs

— Rach King (@rachking93) August 25, 2017

Тој бил однесен во болница на лекување, а потоа ќе биде спроведен во полициската станица на испрашување, информираа властите. Полицијата додаде дека  е рано да се утврди дали ова е терористички напад.