Рекордно висока снежна покривка има во делови од Канада. 

Луѓето копаат тунели за да излезат од дома, бидејќи се затрупани со снег. 

Куќите и автомобилите се целосно прекриени со снежни наноси, а илјадници домови се без електрична енергија.

Владата размислува да ја ангажира армијата, откако цели населени места беа парализирани од обилните врнежи од снег. Прогласена е вонредна состојба во Њуфаундленд. Висината на снежната покривка надмина 76 сантиметри, а ветерот создаде наноси.

Патиштата се непроодни, а се советува граѓаните да не ги напуштаат домовите. 

Министерот за животна средина, Семус О’Реган, им порача на жителите дека владата веќе работи на распоредување на сите расположиви ресурси.

Се појави и видео од скијачи и сноубордери на улиците.

На последниот ден од 2019 година, снегот создаде хаос во Канада. Летови беа откажани во градовите Монтреал, Торонто, Квебек и Отава.