Аналитичари кои ги гледале сателитските снимки од Северна Кореја забележале необични активности на местата за нуклеарни проби. 

Набљудувачката група "38 Nort" која е со седиште во Вашингтон, вели дека на ова место виделе како работници и луѓе од безбедносниот сектор играат одбојка. 

Се претпоставува дека тоа е состојба на подготвеност. 

Но, се наведува дека луѓето можеби играат одбојка свесно знаејќи дека се следени и дека некој тоа ќе го забележи. 

Аналитичарите велат дека играњето на одбојка во текот на меѓународната криза можеби е порака. 

Останува нејасно на кого Северна Кореја сака да испрати порака. 

Местото за тестирање се наоѓа во североисточна Кореја.