(ВИДЕО) Зошто Европа гради тунел долг 64 километри?
Европската Унија денес ја има една од најголемите и најразвиените транспортни мрежи во светот. Повеќе од пет милиони километри патишта, над 200.000 километри железници, близу седум милиони комерцијални летови годишно и повеќе од 400 милиони патници во европските пристаништа секоја година - сето ова го формира 'рбетот на единствениот европски пазар и мобилноста.
Сепак, и покрај импресивните бројки, оваа мрежа сè уште се развива брзо. Нови, амбициозни инфраструктурни проекти имаат за цел дополнително да го поврзат континентот - од Скандинавија до Сицилија, од Холандија до Полска...
Еден од најзначајните вакви проекти моментално се спроведува во срцето на Алпите, пишува BiznisInfo.ba.
Тунел што ги менува правилата на играта
Станува збор за проектот за тунелот Бренер, еден од најамбициозните инфраструктурни зафати на Европската Унија во областа на транспортот.
Тунелот се гради под превојот Бренер, една од најпрометните сообраќајни рути што ги поврзува јужна Германија, Австрија и Италија. Овој дел е познат по честите сообраќајни метежи, особено кога станува збор за товарен сообраќај.
Планираниот тунел ќе биде долг дури 64 километри, што го прави најдолгиот подземен железнички тунел во светот. Ќе ги поврзува австрискиот Инсбрук и италијанската Фортеца, а неговото значење е повеќекратно.
Според проценките, времето на патување ќе биде драстично намалено - од сегашните 90 минути на помалку од 30 минути, и за патничкиот и за товарниот сообраќај.
Покрај тоа, проектот има и симболична димензија: патниците ќе можат, фигуративно кажано, „да одат во Италија на еспресо и да се вратат во исто време во кое претходно им било потребно само за да заминат“. Европската Унија финансира околу половина од вкупните трошоци за изградба на овој мегапроект.foto printskrin youtube
Слично
Поврзани вести
