Русите се кукавици, не сакаат да признаат пораз, вели украинскиот претседател Володимир Зеленски. 

Зеленски кажа дека Русија претрпела стратегиски пораз во Украина и дека тоа му е веќе очигледно и јасно на целиот свет. Им се заблагодари на медицинските сестри и болничарите кои ги спасуваат животите на украинските војници и додаде дека руските сили уништиле 570 здравствени објекти од почетокот на војната.

„Стратегискиот пораз на Русија веќе им е очигледен на сите во светот, па дури и на оние кои и понатаму комуницираат со неа. На Русија едноставно ѝ недостига храброст тоа да го признае. Тие се кукавици. Се обидуваат да се скријат зад ракетните, воздушните и артилериските напади. Затоа нашата задача е да се бориме додека не ги оствариме своите цели во оваа војна. Ослободете ја нашата земја, нашите луѓе и осигурете безбедност“, напиша тој на Фејсбук со видео-обраќањето.

Најмалку двајца загинати и седум повредени има при руските напади во градот Дергачив во Украина. Русија на 24 февруари ја почна војната во Украина. 

фото Принтскрин