По поминати 65.000 километри, олимпискиот факел стигна во Сочи, местото на одржувањето на Зимските олимписки игри. Ова е најдолгото и најневеројатното патешествие на олимпискиот оган во историјата - факелот патуваше низ Северниот пол, беше спуштен во Бајкалското Езеро, го надлета највисокиот вулкан на светот на полуостровот Камчатка и беше во вселената, на Меѓународната вселенска станица. Илјадници луѓе го пречекаа факелот, кој во Сочи го внесе поранешниот одбојкарски репрезентативец на Советскиот Сојуз и освојувач на златен Oлимписки медал Владимир Кондра. http://www.youtube.com/watch?v=rydj-binIac Руските медиуми деновиве шпекулираат дека на стартот на Олимписките игри, олимпискиот оган ќе го запали познатата руска гимнастичарка Алина Кабајева, за која се тврди дека е љубовница на рускиот претседател Владимир Путин. Меѓу бројните спортски делегации од целиот свет, во Сочи веќе се вее и македонското знаме. Македонската делегација таму ја претставуваат тројца олимпијци - Дарко Дамјановски и Марија Колароска ќе се натпреваруваат во нордиско, а Антонио Ристевски во алпско скијање.