Американските спортски коментатори ќе мора да внимаваат што зборуваат во иднина по тужбата која против телевизиската куќа ЕСПН ја подигна Ендрју Ректор, навивач на  тимот Њујорк Јенкис. Имено, овој 26-годишник бил „уловен“ од камерите како спие за време на натпреварот со Бостон Ред Сокс, што коментаторите Ден Шулман и Џон Крук го искористија за малку шега на негова сметка. „Ова не е место каде што ќе спиеш“, рекоа тие коментирајќи го низ смеа заспаниот навивач за време на преносот, па дури и се запрашаа дали тој би се разбудил ако целата публика на стадионот стане и направи овации. По телевизискиот пренос, Ректор добил многу понуди од адвокати, кои со совети го поттикнале да реагира на случката. Тој ги послушал и со тужба побарал отштета од десет милиони долари за нанесен емоционален стрес поради овој настан. http://www.youtube.com/watch?v=1FDrcWTSczs