Заглавени во кал, викендов германски полицајци се тепаа со климатски активисти. 
Околу 20 демонстранти завршија во болница. На видеото кое се шири на социјалните мрежи се гледа дека неколку полицајци не можат да се извлечат од калта. 

Стотици полицајци отстранија околу 300 активисти од селото Лицерат во близина на Менхенгладбах. Операцијата почна во средата. 

„Две лица сѐ уште не се предаваат, а се скриени во подземен тунел кај Лицерат“, велат од полицијата.

Активистите велат дека селото и другите објекти во околината не треба да се уништуваат. Тие бараат рудникот за јаглен под нив да не се проширува. Деновиве на ова село му се одбројани. 

Германија вети постепено укинување на јагленот до 2030 година, а подоцна го помести датумот до 2038 година.

Енергетскиот концерн RWE пред 16 години почна да ги урива куќите затоа што во селото имало лигнит. Мештаните се преселени во околните места. Од ова место се вади и јаглен, но активистите сакаат да спречат уривање на куќите и копот да се прошири. Ова село дури го посети и активистката Грета Тунберг.

foto printskrin

cops defending coal mine get stuck in mud #Luetzerath pic.twitter.com/xHJBoukRsN

— Max Granger (@_maxgranger) January 15, 2023