Во повеќе европски земји денеска имаше невреме. Центарот на Трст денеска беше поплавен, јавува „24сата“.

Многу граѓани и туристи во Трст се засолниле во угостителските објекти на и околу крајбрежниот плоштад „Италијанско единство“. Ветровите однесоа многу маси од кафулињата. 

Северна Италија и денеска се соочува со многу силно невреме, што почна за време на викендот, со многу провинции погодени од дождови, грмотевици, силни ветрови и лизгање на земјиштето, меѓу другите екстремни случаи. Висок водостој е забележан и во Венеција.

The impressive effects of the powerfull storm arrived in the town of Trieste few minutes ago.

Strong horizontal wind gusts due to the downdraft and heavy rain. Small hail also reported and extremely high rate of lightnings. pic.twitter.com/ZPiCaSOZ6W

— Alpine-Adriatic Meteorological Society (@aametsoc) August 28, 2023

Во северозападната провинција Пиемонт, пожарникарите и полицијата мораа да интервенираат со плуг за да ослободат неколку автомобили заробени во снегот во планинскиот премин Коле Дел Анџело, во близина на градот Кунео, на границата меѓу Италија и Франција. Невреме ги зафати Словенија, Хрватска, Австрија и Шпанија.