На социјалните мрежи се појави првата снимка од утринската акција на белгиската полиција во бриселската населба Шарбек, во која беше неутрализирано лицето осомничено за синоќешниот терористички напад во главниот град.

-Тој е застрелан директно во гради, пишуваат белгиските медиуми.

Анелизе Верлинден, белгиската министерка за внатрешни работи, објави дека напаѓачот бил „неутрализиран“во Шарбек, без веднаш да го идентификуваат застреланото лице.

РТБФ пренесува дека белгиските власти сега потврдиле дека „неутрализираното лице“ е Абдесалем Л.(45), кој е осомничен за нападот.

– Тој човек моментално е на интензивна нега – изјави Руди Верворт, премиер на бриселскиот регион.

Белгискиот сојузен обвинител претходно изјави дека имаат „цврста претпоставка“ дека утринава застреланиот од полицијата е Абдесалем Л.(45), по потекло од Тунис, кој е осомничен за нападот.

#UPDATE Belgian police on Tuesday arrested a man suspected of having gunned down two Swedish football fans in an attack in Brussels, a spokesman for the federal prosecutors' service said.

Spokesman Eric Van Duyse told @AFP officers "opened fire" as they apprehended the man in… pic.twitter.com/FvhMvIysQz

— AFP News Agency (@AFP) October 17, 2023

Верлинден претходно објави дека осомничениот за терористичкиот напад кој беше застрелан се наоѓа во болница на реанимација.

Полицијата на местото на претресот во Шарбек пронашла неколку парчиња оружје, а некои наводно биле пронајдени во блискиот парк.

РТБФ потсетува дека Абдесалем Л.(45), кој по потекло е од Тунис, е осомничен дека синоќа околу 19:15 часот во Брисел испукал истрели од огнено оружје, при што убил двајца Швеѓани и ранил трето лице, исто така од Шведска, а не такси возачот како што беше претходно соопштено.

BREAKING NEWS | #Attack in #Brussels, the #Tunisian suspect believed to be the perpetrator has been arrested and "neutralized." The man was reportedly involved in a shootout with the police in #Schaerbeek. He was shot in the chest during his apprehension.#Belgium… pic.twitter.com/aqHJSFWM0Q

— Breaking News (@PlanetReportHQ) October 17, 2023

Како резултат на тоа, Националниот кризен центар го подигна нивото на тревога на максималното ниво 4 во главниот град на Белгија.

Нападот се случил на маргините на фудбалскиот натпревар меѓу Белгија и Шведска во Брисел во рамките на квалификациите за ЕП 2024 година.

Belgian police have arrested a suspected gunman who shot dead two Swedish football fans.

The arrest, in the Brussels neighbourhood of Schaerbeek, followed an intensive manhunt in the capital for the assailant armed with an automatic riflehttps://t.co/Vfm1tXmkUF pic.twitter.com/2Nq9KHntG1

— AFP News Agency (@AFP) October 17, 2023