Десетици илјади лица се евакуирани од две австралиски држави, откако властите предупредија денеска дека се можни смртни случаи како последица од поплави предизвикани од моќниот циклон Деби, пренесе Франс прес. 

Tens of thousands of people are evacuated from towns in two Australian states due to damaging Cyclone Debbie https://t.co/3H0FkFHYmr pic.twitter.com/nXeItN2qw1

— AFP news agency (@AFP) March 31, 2017

Невреме од четврти степен ја зафати  североисточна Австралија во вторникот во државата Квинсленд, каде имаше искорнати дрвја, искршени чамци и причинети огромни штети.

Моќта на Деби ослабна и таа беше намалена до тропска бура со приближувањето на југоисток, но со себе носи опасни ветрови и огромни количини дожд по источниот брег на Нов Јужен Велс.

Град Лисмор беше тешко погоден од поплавите, а водата достигнува до 3 метри.

Марк Мороу заменик-комесар во службата за итна безбедност изјави: 

„Почнавме да излегуваме и да се обидуваме да најдеме луѓе кои ни се јавуваа во текот на ноќта, може да имаме некои алармантни вести. Можно е да има луѓе кои загинале во поплавите ноќеска и за кои не знаеме ".

Фармерот Пиер Ханиган, чиј имот се наоѓа северно од Лисмор изјави дека поплавите се нешто најтешкото што видел за повеќе од 50 години во областа. 

„Мислам дека многу луѓе ќе претрпат сериозни оштетувања на нивните фарми"- рече тој.