Поплавени домови има во Норвешка, откако водостојот на реките е највисок за период од 50 години. Норвешка евакуираше илјадници луѓе поради најголемите поплави во последните децении. Засега нема пријавени жртви. 

Во јужниот дел, железничкиот сообраќај е во прекин. Властите во округот Инландет, една од најтешко погодените области во Норвешка, соопштија дека многу луѓе биле отсечени од поплавите и службите за итни случаи можеби нема да можат веднаш да стигнат до сите на кои им е неопходна помош.

„Ние сме во вонредна состојба од национални размери“, истакна во изјавата градоначалникот на Инландет, Ауд Хове.

Владата во средата одлучи да мобилизира повеќе хеликоптери за да учествуваат во евакуацијата. Силен ветер, дожд и лизгање на земјиштето ги зафатија Финска и Шведска во последните денови.

Словенија е разорена од поплавите. Направени се штети на домови и инфраструктура. Претседателката на Европската комисија, Урсула фон дер Лајен денеска ја изразила својата солидарност и поддршка за Словенија. Државата ќе добие 400 милиони евра помош за санирање на штетите. 

Mobile home smashes into bridge amidst devastating #floods in Norway. #NorwayFloods #BridgeCollapse

Heavy rainfall has drenched #Norway and #Sweden, causing a train to derail and roads to flood. pic.twitter.com/3uzMb1BRkj

— Chaudhary Parvez (@ChaudharyParvez) August 9, 2023