Украински дрон погоди една од најголемите руски рафинерии.

Една од најголемите руски рафинерии ја запре преработката на сурова нафта. 

„Во нападот врз руската област Нижни Новгород загина едно лице, а оштетен е индустриски објект“, соопшти гувернерот на регионот, Глеб Никитин. 

Во оваа област се наоѓа рафинеријата НОРСИ, која е четврта по големина во Русија и втор најголем производител на бензин во земјата.

Во нападот е оштетена клучната примарна единица за преработка на сурова нафта, која има дневен капацитет од околу 190.000 барели и претставува повеќе од половина од вкупниот капацитет на рафинеријата. 

Рафинеријата НОРСИ има капацитет да преработува повеќе од 15 милиони метрички тони сурова нафта годишно, што е приближно 320.000 барели дневно.

Русија вчера изврши голем напад на Украина, каде загинаа 30 луѓе. 

НАТО планира да обезбеди 140 милијарди евра воена помош за Украина до крајот на 2027 година, според предлог што треба да биде една од клучните теми на претстојниот самит на Алијансата во Анкара. Планот предвидува 70 милијарди евра во текот на 2026 година и уште најмалку толкав износ во 2027 година, како дел од долгорочната поддршка за украинската одбрана. Војната во Украина трае повеќе од 4 години. 

фото X

The Kstovo Oil Refinery (officially LUKOIL-Nizhny Novgorod Nefteorgsintez, also known as NORSI) has completely suspended its operations after another drone attack. The plant, located in the city of Kstovo, Nizhny Novgorod Oblast, Russia, suffered serious damage from the strike,… pic.twitter.com/R4kgXIE2YN

— big ben (@alternative_war) July 2, 2026