Украинските сили го нападнаа пристаништето Оља во руската Астраханска област, погодувајќи брод натоварен со компоненти за дронови „Шахед“ и со муниција од Иран, според петочниот извештај на Генералштабот, објави Киев пост.

Во соопштението се наведува дека Специјалните операции (ССО), во координација со други единици на Одбранбените сили, на 14 август, в четврток, го таргетирале пристаништето за да ја намалат способноста на Русија да изведува воздушни напади.

Оља служи како клучен логистички центар за увоз на воена опрема од Иран. Погодениот брод бил „Порт Оља 4“ (Port Olya 4) за кој се тврди дека превезувал делови за беспилотни летала и муниција. Проценката на штетата е во тек.

Во меѓувреме, се сомнева дека рано наутро, денеска, украински дронови нападнале рафинерија за нафта во Сизран, Самарска област. Имало 10 експлозии. 

Руското Министерство за одбрана тврдеше на Телеграм дека неговата противвоздушна одбрана пресретнала 53 украински дронови во текот на ноќта во повеќе области. 

На Алјаска денеска американскиот претседател Доналд Трамп ќе се сретне со рускиот колега Владимир Путин за да разговараат за војната во Украина. 

Руската инвазија на Украина почна пред 3.5 години. 

foto X

Ukrainian forces hit deep inside Russia: Multiple strikes reported at the Syzran oil refinery in Samara region.

In a separate attack, Ukrainian units targeted the port of Olya in Astrakhan region, hitting a vessel loaded with Shahed drone components and Iranian-made… pic.twitter.com/s5NIGWtWjY

— AnatolijUkraine (@AnatoliUkraine) August 15, 2025