(ВИДЕО) УКРАИНА СО ДРОНОВИ ЈА НАПАДНА МОСКВА: Има две жртви и дваесетина повредени
Двajца луѓе загинаа денеска во најголемиот украински напад со дронови на Москва. Има и 18 повредени. Настанал и пожар на паркинг, по што 20 возила изгореле. На ова место паднале остатоци од дронови.
Ова е најголем напад до дронови откако почна војната пред три години. Руското Министерство за одбрана објави дека 337 беспилотни летала се лансирани во Русија во текот на ноќта во понеделникот, вклучително и 91 насочена кон московскиот регион, при што загинаа две лица, предизвикаа пожари и ги прекинаа летовите и железничките услуги.
Висок украински функционер во Украина во вторникот изјави дека нападот со дронови извршен врз московскиот регион треба да го охрабри претседателот Владимир Путин да го прифати воздушниот прекин на огнот предложен од Киев.
„Најголемиот напад со беспилотни летала во историјата беше извршен врз Москва и Московскиот регион“, рече Андриј Коваленко, претставник на Советот за национална безбедност одговорен за борба со дезинформации.
Руската авијација соопшти дека летовите се суспендирани на сите четири аеродроми во Москва. Затворени се и два други аеродроми, во регионите Јарослав и Нижни Новгород источно од Москва. Руската инвазија на Украина почна на 24 февруари во 2022 година. Во Саудиска Арабија денеска украинските и американските власти ќе разговараат за мир во Украина.
фото АФП
Слично
Поврзани вести
