Ученик отворил оган во училишната кафетерија во местото Мерисвил, на 48 километри од Сиетл, САД. Во нападот повредил седум лица, а потоа се самоубил, соопшти полицијата на државата Вашингтон. Портпаролот на локалната полиција Роб Ламуру изјави дека е сигурно оти се работи за само еден напаѓач, кој си го одзел животот, но пред тоа повредил седум лица. Средното училиште Пилчак каде се случил нападот и натаму е опкружено со полицајци и возила на Итна помош. Училиштето се пребарува, просторија по просторија, пред да биде прогласено за безбедно. Во училиштето учат околу 2.500 ученици. На помош на локалната полиција пристигнале и оперативци на ФБИ, кои го испитуваат инцидентот за да ги откријат мотивите. Претходно пукање во некоја образовна институција во овој регион се случило на 5 јуни, кога на Пацифичкиот универзитет во Сиетл вооружен човек уби едно, а повреди две лица. http://www.youtube.com/watch?v=K8TSb56DhUM