Откако ја обвинуваше нигериската влада дека не успеала да го спречи прогонот на христијаните, aмериканскиот претседател Доналд Трамп на Божиќ објави дека САД извршиле серија напади врз западноафриканската земја.

Нападите, насочени против таканаречените милитанти на Исламска држава (ИСИС) во северна Нигерија, претставуваат најнова воена интервенција на САД во странство под водство на американскиот претседател, кој за време на претседателската кампања во 2024 година вети дека ќе ги изведе САД од децении „бесконечни војни“.

Трамп рече дека нападите биле насочени кон милитантите на Исламска држава кои „брутално напаѓале и убивале, првенствено, невини христијани, во размер невиден во многу долго време, дури и векови“.

Претставник на американското воено министерство изјави за Асошиејтед Прес дека САД дејствувале во соработка со Нигерија и дека нападите биле одобрени од властите на таа земја. Нигериското Министерство за надворешни работи соопшти дека соработката вклучувала споделување на разузнавачки информации и стратешка координација.

Министерството за надворешни работи на Нигерија потврди дека двете земји го координирале нападот, а претседателски советник рече дека САД и Нигерија се „на иста страна во борбата против тероризмот“.

Инаку, претходно исламисти киднапираа деца во Нигерија, вршеа напади на верски објекти и слично. 

foto printskrin