Републиканскиот кандидат за претседател на САД Доналд Трамп денеска ја емитуваше својата прва телевизиска реклама, во која демократската ривалка Хилари Клинтон ја поврзува со нереди и илегална имиграција.

Во Америка системот на Хилари Клинтон останува против сите Американци“, се наведува во првиот Трампов рекламен видео клип во кој се спменува и доаѓањето на сириските бегалци и „деликвенција“ на илегалните мигранти кои ги користат социјалните бенефиции на американското друштво.

„Америка на Доналд Трамп е безбедна Америка. Терористи и опасни криминалци се протерани“, се додава во видеото.

Тоа е првиот и долгоочекуван рекламен спот на републиканскиот кандидат, додека Хилари потрошила 61 милион долари за своите реклами на телевизии, пренесе американската тв мрежа NBC.