Американскиот претседател Доналд Трамп денес изјави дека сите опции за одговор на Северна Кореја се на маса, а откако Пјонгјанг испали балистичка ракета над Јапонија.

„Светот ја прими последната порака на Северна Кореја јасно и гласно: тој режим покажа презир кон соседите, спрема сите членки на ОН и спрема минималниот стандард за прифатливо меѓународно однесување“, рекол Трамп во соопштението кое го објави Белата куќа, пренесе Ројтерс.

Спрема неговите зборови, заканите и „дестабилизирачки акции“ само ја зголемуваат изолацијата на севернокорејскиот режим во регионот и меѓу сите држави на светот. Од видеото може да се слушне како Трамп вели дека Северна Кореја ќе се сретне со оган и нешто што досега не го видела.

„Сите опции се на маса“, рекол Трамп.