Француската полиција дојде во судир со повеќе од стотина демонстранти во Париз кој се собрале во знак на подршка за мигрантите, и покрај забраните за собирање на јавни места поради вонредната ситуација која Франција ја воведе веднаш по терористичките напади во француската престолнина.

Протестот заврши кога припадниците на специјалната полиција употребиле бибер спреј и палици пртив демонстрнатите кои тргнале од Бастија до Плоштадот на републиката.

Локалната полиција ги известила организаторите доколку не се откажат од протестите ќе добијат казна од шест месеци затвор, но демонстрантите, се спротиставиле на забраната, наведува „Раша тудеј“.

Протестот започнал во Бастија а конфликтот со полицијата се случил кога демонстрантите тргнале кон плоштадот на репбуликата кој полицијата веднаш го блокирала.