Тајландската полиција шири фоторобот на осомничениот бомбаш, кој детонираше бомба до храмот „Ерауан“ во центарот на Бангкок во понеделникот, пренесе „Ројтерс“.

Спроведено е масовно барање на наводниот терорист. Во првите часови по експлозијата тој беше препознаен од снимките од безбедносните камери. Полицијата, смета дека младиот маж, облечен во жолта маица и шорцеви, ја оставил бомбата, која предизвикала експлозијата на клупата до храмот.

Портпаролот на националната полиција, генерал-полковник Правут Таворнисири, коментира дека обично „ваквите напади не се планирани од еден човек“. „Момчето со жолтата маичка не е осомничениот за нападот. Тој е едноставно самоубиец“, додал Таворнисири.

По последните информации државјанин на Франција е уапсен на банкокскиот аеродром Суваннабхун под сомнение за соучесништво во терористичкиот акт од 17 август. Ова го соопшти телевизискиот канал „Таи Пи-Би-Ес“.

Сеуште никој човек или организација не ја презеле одговорноста за нападот.

Тајландскиот премиер Прают Чан-оча го потврди нападот како „најлошиот инцидент, кој некогаш се случил во Тајланд“. Тој ветил дека виновниците ќе бидат пронајдени.