Избирачките места ширум Каталонија се отворени за гласање за независност на тој шпански регион.

Најмалку 300 лица се повредени во судирите со полицијата во Барселона, соопшти Каталонската служба за итни ситуации.

Spain is a dictatorship!! #CatalanReferendum pic.twitter.com/oTHkHa3Aha

— Grifoni Barcelona (@Grifoni_BCN) October 1, 2017

Поголем дел од повредените граѓани се здобија со полесни повреди, додека тројца се потешко повредени, наведува таа служба на својот Твитер профил, пренесува Ројтерс.

Rubber bullets have been used to deter voters in the #CatalanReferendum pic.twitter.com/mdt3CpxOVw

— The Telegraph (@Telegraph) October 1, 2017

Каталонскиот лидер Карлес Пуџемон изјавил дека шпанската национална полиција употребила „неоправдано насилство“ против луѓето во Барселона, кои сакале да гласаат на референдумот за независност, кој го забрани Мадрид.

„Неоправдано користење на сила од страна на шпанската држава која ирационално и неодговорно, нема да го запре каталонскиот народ“, рекол Пуџемон реагирајќи на употребата на гумени куршуми против демонстрантите пред гласачките места во Барселона.

Во Каталонија денес се одржува референдум за независност на тој шпански регион кој централната влада во Мадрид го смета за неуставен.

Од Европската унија засега молк. Никој не излезе да го осуди насилството кое се случува во земја која е членка на ЕУ и која зборува за демократија.