Страшна несреќа се случи во Романија. Минибус со патници паднал во реката Дунав откако се судрил со друг автомобил на вијадукт во Иловица во западниот дел на државата.

Патниот сообраќај е целосно блокиран. Мобилизирани се нуркачи од Крајова и Карас-Северин, а хеликоптерот СМУРД е пренасочен за што поскоро да ја пренесе нуркачката екипа до местото на несреќата.

„Засега немаме потврда за бројот на луѓе во минибусот. Можно е да се работи само за возачот и уште едно лице, но ние се уште ја третираме ситуацијата како да има повеќе луѓе под вода“, објасни Раед Арафат од Одделот за вонредни ситуации.

Кажа дека Дунав е матен, а шансите за преживување се мали по неколку минути поминати во водата.