Генералниот секретар на НАТО Јенс Столтенберг изјавил дека воените вежби „Trident Juncture“ на југот на Европа претставуваат предупредување за сите „Потенцијални противници на НАТО“, вклучувајќи ја и Русија.

На територијата на Шпанија, Португалија и Италија на 21 октомври почнала активна фаза на НАТО вежби кои ќе траат до 6 ноември. Во нив учествуваат 36 000 војници од 30 земји во светот, меѓу кои се и Австрија и Швајцарија, кои не се членки на НАТО. Ангажирани се 140 авиони , 90 бродови и подморници.

„Важноста на вежбите“ е во тоа што НАТО дава јасен сингал: спремни сме да ја заштитиме цела Алијанса од било какви закани: Ова е период во кој НАТО и се прилагодува на новата реалност“, изјавил Столтенберг во интервју за шпански ЕјБиСи. Според неговите зборови оваа нова реалност се одликува со „нестабилност и насилство на Блискиот исток и северна Африка, на јужните граници“.

„Пораката е упатена за секој потенцијален противник: НАТО е спремен брзо да покрене вооружени сили и можеме тоа да г направиме на земја, на море и во воздух“, изјавил генералниот секретар на Алијансата одговарајќи на прашањето дали меѓу адресираните е и Русија.

„Мораме да одговараме и да го зголемиме степенот на подготвеност на нашите сили и способност за брзо распоредување“, изјавил Столтенберг. Тој во среда ќе ја посети и базата Сан Грегорио во Сарагоса, каде исто така се водат вежби.