Русија неодамна успешно ја лансираше својата најнова тешка ракета – носач „Ангара“, која е развивана со намена за лансирање вселенски летала со човечки екипажи, соопшти руското Министерство за одбрана. Лансирањето на ракетата „Ангара – А5“ од космодромот Плесетск со помош на видео линк го следел и рускиот претседател, Владимир Путин, пренесува агенцијата „АФП“. „Ова е голем и многу важен настан за нашата вселенска индустрија, но и за цела Русија“, истакнал Путин. [embed]http://www.youtube.com/watch?v=lDydw8QaFU0[/embed] Пробното лансирање на полесната верзија на ракетата „Ангара“ во јуни имаше неуспешен завршеток поради изненадно автоматско откажување на лансирањето. „Ангара“, која е дизајнирана да го замени постариот модел на ракетата – носач која потекнува од ерата на Советскиот Сојуз како „Протон“, е првата ракета што во потполност е произведена во Русија по распадот на СССР, пренесуваат руските медиуми. [embed]http://www.youtube.com/watch?v=pme5kCwo3NU[/embed]