Циклонот Гита на Нов Зеланд направи сериозни штети, а имало и ветрови со брзина до 140 километри на час.

Ова се случува во период кога во Нов Зеланд е лето. Улиците изгледаат како реки. 

Невремето донела интензивни врнежи, а дождот во низините и снегот во планините буквално ги преплавиле јужниот и централниот дел на земјата.

За помалку од два дена наврнале скоро третина од годишниот просек на врнежи. 

Во ски-центарот „Коронет Пик“ наврнале од 10 до 15 сантиметри снег.

„На некои места има снег и по половина метар. Сепак снегот нема да издржи многу во овој период“, изјави шефот на ски-центарот, Рос Лоренс.

Во Голден Беј 6.000 луѓе се отсечени. Се смета дека најлошото допрва доаѓа. 

Во пет региони е прогласена вонредна состојба, а затворени се и повеќе од 120 училишта и 70 предучилишни установи.

Претходно Гита направи штета во Тонга и  Фиџи минатата недела.