Maсакр се случи на музичкиот фестивал во Израел, во близина на границата со Појасот Газа. Илјадници милитанти на Хамас упаднаа на фестивалот, убивајќи цивили и земајќи луѓе како заложници.

Најмалку 260 тела се веќе извлечени од местото, а многу луѓе сè уште се водат за исчезнати. Хила Факлиро беше келнерка на фестивалот „Супернова“ и изјави за „Скај њуз“ дека нападот почнал со проектили што летале над нивните глави, а посетителите веднаш трчале да се скријат.

Таа објасни како лежела на земја половина час пред да почне да трча кон својот автомобил со цел да избега. Но, како што вели, полицијата го затворила патот. 

„Кога се свртевме, видовме повеќе од 20 терористи во црна облека како пукаат насекаде. Тоа беше како полигон за обука. Тие само пукаа во сè. Ако си жив, бргу ќе бидеш мртов“, додава таа.

Девојката трчала четири часа додека не ги видела израелските полицајци и војници. Додека се обидувала да дојде до своите пријатели, на социјалните мрежи видела видео од убиството на пријателка. 

„Терористите седнаа врз неа и ја силуваа, ѝ направија многу работи што не можам да ги кажам“, додаде Факлиро. 

Во јужен Израел, терористите обезглавиле деца и бебиња. 

Хамас почна со напади во Израел во саботата.  Милитантите сурово мачеле цивили, ги стрелале и палеле. САД, но и европските земји даваат поддршка на Израел да се одбрани од нападите на Хамас. 

'I heard the terrorists singing and laughing.'

Hila Fakliro was bartending at the Supernova festival when Hamas gunmen stormed the event.

She describes how she ran for hours and later found out that some of her friends were kidnapped and others killed.https://t.co/dzWdLdrNBG pic.twitter.com/Csk8H2DNaK

— Sky News (@SkyNews) October 11, 2023