Шумски пожари беснеат во јужна Франција, каде се евакуирани 10.000 луѓе, а седум региони се под црвен аларм. 

Властите соопштија дека 41 област е под портокалов аларм. Најкритична е состојбата во департманот Источни Пиринеи, каде голем пожар во близина на Тревијах зафатил најмалку 4.600 хектари. Жителите на 26 општини добиле препорака за евакуација.

Францускиот министер за внатрешни работи, Лоран Нунјез, најави посета на погодениот регион.

„Како што и очекувавме, се соочуваме со многу тешка сезона на пожари, која започна еден месец порано од вообичаено“, изјави Нунјез. 

Вели дека од почетокот на годината во Франција изгореле повеќе од 11.000 хектари, што е речиси двојно повеќе во споредба со истиот период лани, кога биле уништени околу 5.700 хектари.

Поради пожарите во Источните Пиринеи, организаторите ја изменија денешната етапа на Тур де Франс, која ќе се одржи без присуство на публика и без традиционалниот промотивен караван.

Претседателката на Европска комисија, Урсула фон дер Лајен, соопшти дека четири противпожарни авиони од европската флота RescEU ќе бидат испратени во Франција. 

Wildfires spreading across Southern Europe.

Following fires on the outskirts of Marseille, France, the blaze has reportedly crossed into populated areas in Spain’s Girona province.

Emergency services are battling to contain the rapidly spreading flames as strong winds… pic.twitter.com/PPWjeUw5RW

— Arabian (@Arabian__KGB) July 4, 2026