Русија прв пат изведе напади на положби на Исламска држава во Сирија со ракети исфрлени од подморницата  “Rostov na Don” во Медитеранот, изјавил денеска рускиот министер за одбрана Сергеј Шојгу. При таа прилика крстаречките ракети „калибар“ погодиле два големи пункти на терористите на ИСИС во областа на Рака, рекол тој, пренесе Спутник. Шојгу му пренел на рускиот претседател Владимир Путин дека и авијацијата и подводната флота извеле успешно лансирање и дека сите цели се погодени. -Со полна увереност можеме да кажеме дека е нанесен прилично сериозен удар на складиштата на муниција и фабрика за правење мини, и секако, по нафтената инфраструктура-рекол Шојгу. Тој додал и дека во изминатите три дена во Сирија руската војска извела повеќе од 300 летови и дека се погодени 600 цели. Погледнете го видеото: [embed width="700" height="450" ]https://youtu.be/fwja7sogNs4[/embed]