Градот вчера се разбудил на температура од неверојатни -58 степени Целзиусови. Метеоролозите предупредуваат дека субјективното чувство на студенило во Јакутск е поголемо поради влажноста и ветерот.

Целиот регион Саха, кој е оддалечен повеќе од 4.000 километри од главниот град Москва, се наоѓа во зоната на вечниот мраз.

„Секако дека е ладно. Го чувствувате тоа на лицето, веднаш замрзнува. Мојата јакна е обично мека, но кога ќе излезам на оваа ниска температура, станува како пластична кеса. Што се однесува до мобилниот телефон – кога излегов вчера батеријата беше на 90 проценти ја држев во раце. За 15,20 минути батеријата беше целосно испразнета“, изјави Данило Калинкин, турист од југот на Русија.

Но, има и луѓе кои се навикнати. 

„Не, не ми е ладно, навикната сум на студеното време. Јас живеам на северот веќе 45 години“, вели Галина. 

Регионот е познат по екстремно ниските температури. Дури луѓето на пазарот продаваат смрзната риба, а немаат фрижидер.