Русите објавија снимки од Покровск. Tие тврдат дека го освоиле градот. 

Русија вчера објави дека ги освоила Покровск во регионот Донецк и Вовчанск во регионот Харков. Украина ги отфрли тврдењата како „бомбастични изјави“ со кои Москва сака да влијае на преговорите за завршување на војната.

Руското соопштение дојде кратко по разговорите меѓу високи американски и украински претставници во Флорида за тоа како да се заврши војната, и еден ден пред состанокот меѓу специјалниот претставник на Трамп, Стив Виткоф, и рускиот претседател Владимир Путин во Москва.

Андриј Коваленко, раководител на украинскиот центар за борба против дезинформациите, вчера предупреди дека Русија „ќе се обиде да создаде притисок на бојното поле во наредните недели и да го придружи со бомбастични изјави“. Тој верува дека ова се прави „исклучиво за западната публика и за да се зголемат дипломатските влогови“ во услови на нови преговори за тоа како да се заврши војната во Украина.

Коваленко истакна дека „дел од Вовчанск е под украинска контрола“, но не го спомена Покровск.