„Во воздушната база Хмејмим во Сирија ќе биде пренесен С-400“, соопшти министерот за одбрана Сергеј Шојгу.

Ракетниот крстосувач „Москва“, кој зазема положба во близина на брегот на Латакија, ќе ја уништува секоја потенцијална воздушна цел, изјавил Шојгу, а пренесуваат руските медиуми.

Базата Хмејмим се наоѓа во месноста која ја контролираат сириската војска, а Русија ги користи за полетување на своите бомбардери кои одат во акција за уништување на цели на „Исламска држава“ во Сирија.

Системот С-400 е воведен во употреба во Русија во 2007 година. Тоа е најнапредниот ПВО систем. Тој преставува посовршена верзија на системот С-300.

Овој систем е неспоредлив во светот. Ракетниот комплекс може да соборува аеродинамички цели на одалеченост до 400 километри а до 60 километри тактички и балистичи цели кои летаат со брзина од 4,8 км/с. Помеѓу нив се и топовите со крстосувачки ракети, авиони за тактичи и стратешки авијации и боеви глави за балисктички ракети.

Во тоа клучна улога имаат радарите со домет преку 600 километри. Ракетите може да гаѓаат ниски цели на висина од само пет метри. Користи ракети од типот „С-300 ПМУ земја-ваздух“. Целиот систем е на мобилни воени возила, а може да се постави борбено активен за само пет минути.

На истото возило е монтиран и радар „92Н6Е“ заедно со батерии за проектилите.