Рускиот претседател Владимир Путин за време на економскиот самит во Санкт Петерсбург, предизвика смеа и аплауз на пресконференцијата со своите остри коментари за американскиот претседател Барак Обама. Модераторот го запраша Путин како ги коментира обвиненијата на Обама за поддршка на сепаратистичките групации во источна Украина. На ова Путин одговори веднаш. „Кој е тој да суди? Кој е тој да суди, сериозно? Ако сака да им суди на луѓето, тогаш нека се вработи во некој суд. Јас не мислам дека ме обвинил. Тоа е негов став, а јас имам свој став кога се во прашање некои работи“, рече Путин, па дури доби и аплауз. Но, по кратка пауза се обиде со шега да го намали ефектот на својот коментар, па уште еднаш го запраша модераторот: „А што Ве интересира за она што го кажал Обама?“. На ова се насмеала целата сала. http://www.youtube.com/watch?v=cLIJ75d-Nw0