Руски патнички авион со 224 патници и членови на екипажот, кој утрово полетал од летувалиштето Шарм ел Шеик за Санкт Петербург, се урнал во централен Синај, а остатоци од леталото се пронајдени во областа на јужен Ариш на Синај, јавуваат светски медиуми. Во авионот биле руски туристи, а меѓу нив и 17 деца јавува РИА Новости.

Според првите информации, авионот летал на висина од околу 9000 метри, кога почнал нагло да паѓа.

[embed width="700" height="450" ]https://youtu.be/eWUomER0I3g[/embed]

Формиран е кризен одбор кој ќе работи на несреќата, а според први информации, авионот одеднаш почанл да ја губи висината и да понира со брзина од речиси 2000 метри во минута.

[embed width="700" height="450" ]https://twitter.com/flightradar24/status/660370810029236224/photo/1?ref_src=twsrc%5Etfw[/embed]

Шефот на управата за воздухопловни несреќи во Египет Ајман ал Мукадам претходно соопшти дека авионот исчезнал, но дека сигурно го напуштил египетскиот воздушен простор и имал контакт со турска контрола на летање.

[embed width="700" height="450" ]https://twitter.com/airlivenet/status/660367760095117312/photo/1?ref_src=twsrc%5Etfw[/embed]

„На руската авиокомапнија и рековме дека го изгубивме контактот со авионот, но дека сигурно контактирал со турската контрола на лет и дека сега минува низ воздушен простор на Турција“, рекол Мукадам.

[embed width="700" height="450" ]https://twitter.com/ChaviztaEu/status/660376832450105345?ref_src=twsrc%5Etfw[/embed]

Радарскиот контакт е изгубен со авионот 23 минути по полетувањето во воздушниот простор на Кипар.

[embed width="700" height="450" ]https://twitter.com/flightradar24/status/660364943397515264/photo/1?ref_src=twsrc%5Etfw[/embed]

Се работи за авионот ербас А-321 на руската авиокомпанија „Когалимавија“ а според првични информации сите патници биле руски државјани.

[embed width="700" height="450" ]https://twitter.com/RT_com/status/660364749897670656/photo/1?ref_src=twsrc%5Etfw[/embed]

Рано утрово, египетски контролори на воздушниот сообраќај соопштиле дека го изгубиле контактот со патничкиот авион во кој биле 217 патници и 7 членови на екипажот непосредно по полетувањето од одмаралиштето во Шарм ел Шеик кон Русија.

[embed width="700" height="450" ]https://youtu.be/vMGs0RqZSto[/embed]

После таа објава, најпрво е соопштено дека авионот е на сигурно и дека влегол во водушен простор на Турција а после тоа египетскиот премиер соопштил дека авионот паднал во централен Синај.