Утре е„Денот Д“ за компјутерската игра со најскап буџет досега, кој изнесува цели 500 милиони долари. Станува збор за играта „Destiny“ („Судбина“) која ја креираше компанијата Банџи. Таа е од типот на компјутерски игри со тема од научна фантастика, а нејзиното дејство е сместено 700 години во иднината. Заплетот е таков што играчите ја спасуваат човечката раса од вонземјани кои сакаат да ги истребат луѓето. Дизајнерот Дерек Карол вели дека најголем акцент е ставен на социјалната компонента и на самиот виртуелен свет на играта, по што Destiny ќе се разликува од останатите игри од овој тип. „Destiny е најголемата игра на која јас лично сум работел или на која работел кој било друг“, вели Карол. Целта на играта е да се заштити Соларниот систем кој е нападнат од вонземјани, а бојни полиња освен Земјата се и Венера, Марс и Месечината. Destiny ќе може да се игра само на интернет. http://www.youtube.com/watch?v=LIxxsw7TNd4