Соседи во едно италијанско село носат маски, иако во местото живеат само тие двајца. 

Тие инсистираат на носење на заштитни маски поради коронавирусот.

82-годишниот Џовани Карили и 74-годишниот Џампјеро Нобили, двајцата пензионери од Нортозчеа носат маски секогаш кога ќе се сретнат и инсистираат на почитување на држење дистанца од еден метар. 

Тие немаат соседи и ретко го напуштаат местото на живеење.

Карили за Си-Ен-Ен рекол дека многу се плаши да не се зарази со новиот вирус и дека нема кој да се грижи за него.

„Јас сум стар, но сакам да продолжам да живеам овде и да се грижам за своите овци, виновата лоза, кошниците, овоштарникот. Да берам тартуфи и печурки. Јас уживам во животот“, раскажал Карили.

Нобили смета дека непридржувањето на пропишаните мерки од страна на кој било од нив двајца претставува непочитување, и покрај исклучителните околности во кои живеат.

Иако главно живеат сами, и понатаму повремено одат во посета на своите смеејства.

Во Италија во овој момент на сила е одредбата за задолжително носење маски на отворено и затворено.