Една од жртвите на терористичкиот напад во Мали е белгискиот шеф на канцеларијата на Европската унија во Бамако, рекла денеска високата претставничка на Европската унија за надворешна политика и безбедност Федерика Могерини.

Таа на конференцијата за медиуми после неформалниот минстерски совет на ЕУ во Рига изјавила сочуство за жртвите на нападот на вооружените терористи врз ресторанот во главниот град на Мали и му оддала почит на претставникот на ЕУ.

Во утринскиот напад се убиени пет лица, а Могереини рекла дека меѓу жртвите има уште државјани на ЕУ.

Таа во посебно соопштение за јавноста остро го осуди нападот и истакнала дека тој чин само ја поттикнал ЕУ уште поодлучно да се посвети на сузбивање на тероризмот.