Во Русија некои мртовечници се толку полни што телата на мртвите се наредени едни врз други на подот.

Ваквите сцени покажуваат дека вистинскиот број на смртни случаи во таа земја е далеку поголем отколку што сугерираат официјалните податоци, пренесува CNN.

Руските власти соопштија дека повеќе од 33.000 луѓе починале од ковид-19 во земјата до вчера, но критичарите ги оспоруваат овие бројки.

„Мислам дека реалната бројка е околу 130 000“, рече Алексеј Ракша, поранешен статистичар на руската влада. 

Тој ги темели своите проценки на официјалните податоци за вишокот смртни случаи или бројот на смртни случаи што е над она што нормално се очекува во одреден период.

Ракша објасни дека од април до ноември во Русија имало околу 160.000 -170.000 вишок смртни случаи.