Повеќе од 20 лица се водат како исчезнати откако на реката Јангце, во источната кинеска провинција Дјангс, потонал реморкер (брод за влечење) соопштиле тамошните власти.

Спасувачките групи извлекле од водата три лица од бродот кој потонал околу 15 часот по локално време, објавува кинеска агенција.

Меѓу исчезнатите се седум или осум странци кои работеле на бродот, вклучувајќи државјани на Сингапур, Јапонија и Индија.

На бродот имало најмалку 25 лица. Акцијата на спасување продолжува.

Реморкерот во време на несреќата бил на пробна пловидба.

Еден од преживеаните рекол дека ја проверувале состојбата на моторот кога бродот одеднаш почнал да тоне и водата нагло почнала да продира.