Хакерите од меѓународната група Анонимуси објавија снимка на својот официјален канал на Јутјуб во која и се закануваат на терористичката организација Исламска држава со одмазда за нападот во Брисел.

„Почнавме борба против Исламска држава во ноември, после нападите во Париз и продолжуваме да се бориме секој ден. Затворивме илјадници твитер профили кои и припаѓаат на Исламска држава, организиравме опасада на нивните пропагандни сајтови, им украдовме пари, изведуваме различни сајбер напади. Нема да запреме додека терористите продолжат со своите акции-изјавил припадник на Анонимуси.

-Следбеници на Исламска држава , ќе ве најдеме каде и да бидете. Не има повеќе отколку што мислите. Пазете се-продолжил човекот со маска на лицето специфична за анонимуси.

Анонимуси ги повикаа обичните корисници да се придружат на борбата против тероризмот.