(ВИДЕО) ПОПЛАВИ ВО САД: Куќи се кренаа од темели, мостови се уништени
Урнати се мостови, а семејства се заробени на покривите на куќите поради поплавите кои ги зафатија Соединетите Американски Држави(САД).
Евакуациите се во тек и околу 100.000 луѓе во државата Вашингтон се соочуваат со потенцијални евакуации поради зголемените ризици од поплави, објавува CNN.
Гувернерот на Вашингтон, Боб Фергусон, прогласи вонредна состојба и ги повика жителите да ги следат наредбите за евакуација, бидејќи реката Скагит брзо се зголеми.
Најмалку две куќи се кренаа од темелите. Поплавите погодија големи делови од државата, при што неколку мостови беа потопени, а еден голем пат беше уништен.
Свлечиште на автопатот 90, источно од Сиетл, го блокираше сообраќајот, додека поплавите во градовите Сумас, Нууксак и Еверсон ги принудија жителите да се евакуираат.
Слично
Поврзани вести
