Поплави ја парализираат Франција.

Голем дел од Франција останува под предупредување за поплави, а се очекува нова бура што доаѓа од Бретања да донесе уште пообилни дождови и силни ветрови во среда и четврток.

Според националната служба за следење на водите, 70 департмани беа под предупредување за поплави во понеделник, од кои три на највисоко црвено ниво и 15 на портокалово. Најпогодени департмани се Мен-е-Лоар, Жиронд и Ло-е-Гарон, додека се очекува градот Анже да доживее „големи поплави“ поради излевањето на реката Мен. Гарон, која веќе се излеа од своите корита помеѓу Ажен и Бордо, повторно се излева.

Поплавите предизвикаа евакуација на речиси 2.000 луѓе, оставија илјадници домови без струја и го нарушија сообраќајот. Директорката на службата Вигикри, Луси Чадурн-Факон, предупреди дека станува збор за ретки и широко распространети поплави кои ќе траат, нагласувајќи дека впечатокот дека водата се повлекува е „илузија“ бидејќи постојаните дождови продолжуваат да ги полнат реките и притоките.

Првата половина од февруари беше највлажната од 1959 година, со просечно повеќе од 100 милиметри врнежи, додека околу 175 милиметри дожд паднаа во последните 30 дена.

foto printskrin youtube