Италијанецот Роко Морабито, за кој обвинителството трага повеќе од 22 години поради криумчарење на дрога и мафијашки активности, уапсен е во неделата во хотел во Монтевидео.

Морабито, инаку член на Ндрангета, калабрешка мафија, Италија го бара од 1995 година, а Интерпол за него издаде црвена потерница.

Морабито со други кривични дела, обезбедувал допрема на дрога во Италија, нејзина продажба во Милан, а во 1992 година од Бразил се обидел да увезе 592 клограми кокаин и 630 кг во 1993 година.

Тој во последните 13 години живеел во Уругвај, во летувалиштето Пунти дел Есте, каде е откриен кога ја запишал својата керќа во средно училиште под вистинското име.

После шестмесечна истрага е утврдено дека тој италијански државјанин имал лажни уругвајски документи и бразилски пасош на име Франциско Капелето.

Во текот на апсењето кај него и сопругата, полицајците заплениле пиштол, ладно оружје 13 мобилни телефони, 12 банкарски картички, два автомобила, португалски пасоши, накит и чековна книшка.

Додека се обработува италијанското барање за испорачување, Морабито три месеци ќе помине во уругвајскиот затвор поради поседување на лажни документи и кражба на идентитет.