Најмалку 12 лица се повредени кога петто по ред торнадо во изминатите четири дена ја зафатило провинција Анталија на југот од Турција, каде се превртеле автобуси, и се оштетени авиони и аеродромот.

Гувернерот на Анталија Мунир Каралоглу рекол дека во бурата посериозно се оштетени два авиони и полициски хеликоптер. Каралоглу изразил надеж дека најлошото поминало и дека разорните ветрови поминале.

Според неговите зборови, нема потешко повредени во бурата.

Министерот за екологија и урбанизација Мурат Курум изјавил дека во снежната бура и торнада се оштетени 315 објекти.

Турскиот претседател Реџепт Таип Ердоган во текот на митинг во Анталија изјавил дека штетата се проценува на скоро 17 милиони евра.