Расправата во бразилскиот конгрес за големиот корупциски скандал на нафтениот гигант „Петробрас“ била на кратко прекината кога, засега непознато лице во салата пуштило глувци, хрчаци и стаорци, што предизвикало општ хаос.

Глодарите се пуштени во салата синоќа на сред обраќањето на благајникот на влаедеачката Работничка партија Жоаоа Вакарија Нета и предизвикале паника меѓу политичарите и новинарите , пренесува агенцијата АФП.

Обезбедувањето потоа од салата на Конгресот ја извело личноста одговорна за пуштањето на глодарите, чиј идентитет не е откриен. Набрзо се фатени и избеганите животи, па расправата која според оценките на присутните прераснала во „циркус“ повторно била продолжена.

Вакари е еден од 27-те луѓе на кои им претстои судење пред обвиненијата за корупција и перење пари во рамки на корупциски скандал во компанијата „Петробрас“ кој изби пред 13 месеци. Тој наводно примил мито во износ од 1,2 милиони долари, а во скандалот се некои од најпознатите бразилски политичари.