Домовите покрај езерото во Онтарио се оковани со дебел слој мраз откако снежната бура минатиот викенд исфрли бренови и на брегот. Жителите на заедницата Форт Ири изјавија дека брановите за време на бурата удирале врз ѕидовите на куќите.

„Водата замрзна кај задниот дел на куќите, значи од врвовите на куќите надолу“, изјави жителот на Форт Ери Дерек Таплинг за CTV. „Огромна количина на вода удри во ѕидовите на куќите и веднаш замрзна. Тоа е апсолутно неверојатно“, додаде тој.

Заедницата се наоѓа западно од округот Ири, Њујорк, каде историската снежна бура однесе повеќе од 30 животи. Во Форт Ири, температурите во текот на ноќта за време на бурата паднаа околу 20 степени под просекот за овој период од годината. Таплинг изјави за CTV дека мразот што се насобрал на куќите бил дебел најмалку 12 инчи, а жителите се загрижени за штетите на куќите.

„Овде сме долго време и никогаш не сме виделе толку лошо време во овој период од годината“, рече Таплинг. „Штетата и уништувањето на домовите се неверојатни“, рече Таплинг.

Температурите во областа Форт Ири се очекува да се искачат на околу 20 степени над нормалата, што може да доведе до брзо топење и акумулација на вода.

Фото: Принтскрин