Граѓаните на Венецуела масовно купуваат намирници.

Неизвесност владееше во главниот град Каракас по веста дека САД го уапсиле претседателот Николас Мадуро. Во страв од она што ќе следи, жителите на главниот град на Венецуела масовно купуваат намирници и се подготвуваат да останат во своите домови, додека некои размислуваат да заминат, пишува Euronews.

Многумина се упатија кон продавниците за да се осигурат дека нивните домови се снабдени со сè што им е потребно во претстојниот неизвесен период. Во пресрет на зголемените тензии, со кои продолжува секојдневниот живот, во делови од главниот град е видливо зголемено присуство на полицијата. Полициски возила и вооружени полицајци се распоредени на улиците, што дополнително придонесува за чувството на тензија кај граѓаните.

Уставниот совет на Врховниот суд на Венецуела ѝ наложи на потпретседателката Делси Родригез да ја преземе улогата на вршител на должноста претседател на земјата во отсуство на Николас Мадуро, кој беше уапсен рано утрово во операција на американските сили.

Мадуро, и неговата сопруга Силија Флорес пристигнаа во Метрополитенскиот притворски центар (MDC) во Бруклин, Њујорк, откако беа уапсени вчера при американската воена операција во Каракас.

Venezuela: lines are forming outside of grocery stores in several neighborhoods of Caracas, like Los Palos Grandes in the east, as Venezuelans are stocking up on food for the tense days ahead. pic.twitter.com/LsTQKxmjGb

— Thomas van Linge (@ThomasVLinge) January 3, 2026