Руските медиуми вечерва излегоа со тврдење дека при нападот на соборениот малезиски авион, всушност целта бил авионот на рускиот претседател Владимир Путин. Според информациите на Раша тудеј, малезискиот и авионот со кој Путин се враќал од Бразил се разминале на иста точка, на висина од 10.100 метри. Претседателскиот авион на Путин таму бил во 16:21 часот по московско време, а авионот на „Малезија Ерлајнс“ во 15:44 часот. „Контурите на авионите се слични, димензиите исто така се многу слични, а што се однесува на боите, на толку голема оддалеченост тие се речиси идентични“, рекол извор за руската телевизија. Моментот на падот на малезискиот авион на украинска територија е снимен и објавен на Јутјуб. Снимката на пренесе и Си-Ен-Ен, иако засега нема официјална потврда дека се работи за моментот кога авионот паѓа на земјата. http://www.youtube.com/watch?v=-hbAirCuNnA#t=20